Вистинската големина на спортистите кои ќе успеат во својата кариера да ги достигнат најголемите височини без сомнение е незаборавот за своите први почетоци, сеќавањето на местото и луѓето кои први го повеле кон светот на ѕвездите. Секогаш скромниот македонски репрезентативец Елиф Елмас знае дека е така, па затоа секој свој одмор во Македонија го користи и за посета на школата каде ги направи своите први фудбалски почетоци.
И во моментов, во очекување на стартот на подготовките за новата сезона со Наполи, Елмас одморот го користи во своето Скопје притоа посетувајќи го и својот прв фудбалски тренер, легендарниот член на златната генерација на Вардар, Јовче Џипунов, и фудбалската школа „Форца“ кој е првиот негов клуб пред трансферот во Работнички, а потоа и во Фенербахче.
Елмас донесе нескриена радост меѓу најмладите членови на „Форца“ кои неизбежно понесоа и фотографија за спомен со сега веќе ѕвездата на италијанскиот Наполи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА