Италијанскиот возач Андреа Довициозо го напушти Дукати. И двете страни потврдија дека Довициозо следната сезона нема да ги брани боите на овој тим.
34-годишниот Довициозо во Дукати пристигна во 2013 година и е еден од најзаслужните што Италијанците се вратија во самиот врв на МОТО ГП спортот. Дури 13 пати се најде на пиедесталот во последните пет сезони, а трипати беше и вицешампион.
Иако се чинеше дека искусниот моторциклист ќе остане во Дукати, за време на пандемијата на коронавирусот дојде до пресврт, а Довициозо одбир да вози за помала плата, па поради тоа се одлучи да ја раскине соработката.
Во моментов технички има едно место само во Априлија, но се уште не е познато за кого Довициозо ќе вози следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
