Ренова минимално загуби 0-1 од Хајдук во второто коло од квалификациите за годинашното издание на Лигата на Европа. Тренерот на „гипсарите“ Бујар Ислами вели дека е задоволен од играта на неговите избраници и дека заслужиле барем продолженија.
„Задоволен сум од моите фудбалери. Рано примивме гол и тоа влијаеше психички на нас. Кога се соземавме видовте дека можеме да се надигруваме со одличен противник како Хајдук. Второто полувреме беше одлично имавме неколку 100% шанси кои не ги искористивме. Заслуживме барем реми, па во продолженија да се обидевме да стигнеме и до триумфот“, изјави Ислами.
Во следното, трето квалификациско коло од Лига Европа, Хајдук ќе игра со подобриот од пресметката меѓу азербејџански Нефчи и Галатасарај.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
