Борусија Дортмунд ќе биде сериозно ослабена на утрешниот меч од Суперкупот на Германија против Баерн Минхен, откако беше обелоденето дека Џејдон Санчо и Роман Бурки нема да можат да настапат на оваа пресметка против вечниот ривал.
Англискиот репрезентативец и швајцарскиот голман се пожалиле на болка во респираторните органи, веднаш биле тестирани на Covid-19, а резултатите биле негативни. Сепак, раководството на Борусија не сака да ризикува со фудбалери кои би можеле во следните денови да бидат позитивни, па двајцата останаа дома во Дортмунд и сигурно нема да настапат против баварскиот гигант.
За потсетување, со проблеми во пресрет на овој меч се соочува и Баерн Минхен, откако Лирој Сане отпадна од комбинација за настап поради повреда.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
