Младата репрезентација на Македонија за фудбалери до 19 години загуби од Црна Гора минимално со 1-0 на првиот пријателски натпревар кој се одигра на стадионот на Македонија ЃП во Ѓорче Петров.
Црногорците победија со голот на Алдин Мусовиќ во 65. минута од натпреварот. Избраниците на Шкумбин Арслани имаа неколку шанси за израмнување на резултатот, но истиот остана непроменет.
Вториот пријателски натпревар меѓу двете репрезентации ќе се одигра во четврток (12. ноември), исто така на стадионот во Ѓорче Петров од 11 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
