Селекторот на младата репрезентација на Македонија, Благоја Милевски го повика и еден од најдобрите фудбалери на штипска Брегалница, Мартин Стојанов за утрешниот квалификациски натпревар против Црна Гора.
По серијата откажувања, Милевски се одлучи да го вклучи во репрезентацијата Стојанов кој сезонава е еден од најдобрите фудбалери во второлигашката конкуренција, со седум постигнати голови досега во дресот на „сините“.
Во младата репрезентација од редовите на Брегалница се и Кристијан Ацковски и голманот Давид Денковски.
Натпреварот меѓу Македонија и Црна Гора, последен од квалификациите за ЕП, се игра утре од 13:30 часот на тренинг центарот „Петар Милошевски“ во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
