Анадолу Ефес стигна до шестата победа во Евролигата откако на гостински терен во Белград славеше над Црвена Звезда со 64-75 во 11. коло. Турскиот состав одлично го започна натпреварот и набргу стигна до двоцифрена негатива од која домашниот состав немаше сили целосно да се врати. На овој натпревар шутот не ги служеше „црвено-белите“, кои шутираа 5/20 за три поени.
A depleted @AnadoluEfesSK gets the job DONE! pic.twitter.com/1igykjy53b
— Turkish Airlines EuroLeague (@EuroLeague) November 26, 2020
Најрасположен во таборот на белграѓани беше Кори Волден со 14 поени и 4 скока, додека Џордан Лојд натпреварот го заврши со 10 поени и 5 скока. Предводник на гостинскиот состав беше Шејн Ларкин со 18- поени и 5 асистенции, додека Адриан Моерман додаде 17 поени и 9 скока.
Easy as that for Will Thomas
He was happy with that! ?#7DAYSMagicMoment pic.twitter.com/Yl8V8OyeuO
— Turkish Airlines EuroLeague (@EuroLeague) November 26, 2020
На победа се радуваше и Зенит кој полека ги консолидира своите редови по проблемите предизвикани од коронавирус. Третиот триумф во низа Русите го запишаа против Жалгирис откако на гостински терен славеа со 75-83. Зенит го одржуваше водството уште од првата четвртина, а на крајот Литваниците успеаја само да ја ублажат негативата со добрата игра во последните десет минути.
Остин Холинс беше прво име кај Зенит со 20 поени, додека Вил Томас додаде 16 поени и 7 скока. Предводник на литванскиот тим беше Марус Григонис со 18 поени и 3 асистенции, а Жофри Ловерн додаде 17 поени и 8 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
