Македонија Ѓорче Петров денеска на домашен терен ќе го пречека Шкупи во дербито на 13. коло од Првата македонска фудбалска лига. Тренерот на „лавовите“ Жикица Тасевски вели дека Шкупи е еден од најдобрите тимови во домашниот шампионат со најголем ростер и ќе биде вистински предизвик за неговите фудбалери.
„Шкупи е одличен тим и еден од најголемите фаворити за освојување на титулата во домашното првенство. Одличен предизвик за нас и се надевам на убав натпревар. Добро ги анализиравме и ги знаеме сите нивни добри, но и лоши страни. Очекувам добра игра од моите фудбалери, ветувам дека ќе дадеме максимум и се надевам на поволен резултат. На почетокот од сезоната сите не отпишуваа, но покажавме дека сме одличен тим кој на секој меч оди на победа“, изјави Тасевски.
ПРВА ЛИГА – 13. КОЛО (денеска, 13 ч.)
Скопје: МАКЕДОНИЈА ЃП – ШКУПИ
Битола: ПЕЛИСТЕР – СИЛЕКС
Струмица: БЕЛАСИЦА – РАБОТНИЧКИ
Тетово: РЕНОВА – БОРЕЦ
Струга: СТРУГА ТЛ – ШКЕНДИЈА
ВЧЕРА
ВАРДАР – АКАДЕМИЈА ПАНДЕВ 2-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
