Александер Албон добива отказ по само една година мината во Ф-1 тимот на Ред Бул, откако раководството на оваа екипа реши да се раздели од тајландскиот возач по само една сезона меѓусебна соработка.
Албон во 2019 година имаше добри настапи во тимот на Торо Росо, што беше препорака за тој во 2020 да биде прекомандуван во Ред Бул. Сепак, овој возач воопшто не ги оправда очекувањата, остана целосно во сенка на Макс Ферстапен, по што беше донесена одлука за прекин на соработката.
Ред Бул веќе го избра и неговиот наследник Мексиканецот Серхио Перез, остана без ангажман по истекот на договорот со Рејсинг Поинт. Перез блесна на втората од двете трки во Бахреин, кога ја забележа првата победа во кариерата, доволна препорака за Ред Бул да го доведе во своите редови како тимски колега на Макс Ферстапен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
