Горан Пандев и Џенова конечно до победа во Серија А, Наполи и Елиф Елмас неочекувано само до бод на домашен терен со Торино, а пораз и на Илија Несторовски со Удинезе во 14. коло од италијанскиот шампионат.
Пандев имаше повеќе од значајна улога во триумфот на Џенова, мајсторски асистирајќи за првиот погодок на својот тим кој дојде до победа од 1-2 на гостувањето против Специја. Голот за триумф за Џенова го постигна Кришито од пенал во 73. минута. Пандев одигра од првата минути на дуелот се до 74. минута кога беше заменет од Скамача.
Елиф Елмас, пак, влезе во игра во 30. минута за Наполи кој ремизираше (1-1) Торино. Гостите дојдоа до водство со голот на Ицо во 56. минута, а Инсиње во 92. минута успеа да ги спаси наполитанците од пораз.
Несторовски ги одигра последните 20 минути за Удинезе кој загуби на домашен терен од Беневенто со 0-2.
Во дербито на колото Милан славеше против Лацио со 3-2, со голот на Хернандез во 92. минута.
Претходно, Ребиќ и Чалханоглу во 10. и во 17. минута донесоа брза убедлива предност од 2-0 за „миланезите“, но Алберто со гол во првиот дел, и Имобиле во 59. минута израмнија за тимот од Рим, кој сепак до крајот не успеа да го избегне поразот.
РЕЗУЛТАТИ – 14. КОЛО
Милан – Лацио 3-2
Рома – Каљари 3-2
Наполи – Торино 1-1
Специја – Џенова 1-2
Удинезе – Беневенто 0-2
Болоња – Аталанта 2-2
Сампдорија – Сасуоло 2-3
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
