Време е за ново големо дерби во Премиер лигата. Манчестер Сити пристигнува на Стемфорд Бриџ, кој полека излегува од кризата во која западна на почетокот на сезоната, но е ослабен без пет важни играчи позитивни на Ковид-19.
„Граѓаните“ имаат и два натпревари помалку од повеќето ривали, и доколку го победат Челси, имаат големи шанси да стигнат барем до третото место, веднаш зад водечкиот тандем Ливерпул – Манчестер Јунајтед.
Сепак, Пеп Гвардиола вели дека во Англија научил дека сè е можно, но и дека плановите лесно се рушат како кула од карти.
„Само што излеговме од декември, јануари и февруари се тешки, тие можат да донесат многу изненадувања. Што значат два натпревари повеќе? Ако ги изгубите, повторно сте во лоша позиција. Ајде да одиме чекор по чекор “, изјави претпазливиот Пеп Гвардиола.
Сити сè уште се бори со слабата ефикасност, но резултатите сега се далеку подобри. Тој нема пораз на шест натпревари, а неговиот тим забележа четири победи и две нерешени средби.
„Граѓаните“ ќе бидат драстично ослабени на Стемфорд Бриџ, тие ќе бидат без пет играчи позитивни на Ковид-19. Од претходно се знаеше дека Кајл Вокер и Габриел Хесус се во изолација, но Гвардиола не сакаше да каже кои се другите тројца. Медиумите објавија дека меѓу нив бил и стандардниот голман Едерсон.
„Да, во моментов имаме пет играчи во изолација. Прво двајца, а потоа тројца. Но, не мислам дека Премиер лигата ни дозволува да именуваме играчи. Ние мора да ја почитуваме приватноста на играчите. Ќе го видите составот на тимот и ќе забележите дека нема да има уште неколку важни играчи, тогаш точно ќе знаете кои се во изолација. Сега не ми е дозволено да ги кажувам имињата “, објасни Пеп Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
