Репрезентацијата на Македонија утрово го одработи првиот тренинг по пристигнувањето во Каиро. Директорот на ракометната репрезентација на Македонија, Левче Китевски вели дека нема спротски услови во Египет, а најголем проблем е патувањето до салата.
„Здравствениот билтен е океј. Тестовите се негативни на сите ракометари. Се сместивме во хотел по полноќ, но спортските услови не се на ниво на Светско првенство. Тренинг репрезентативците имаа во 10 часот. Голем проблем е патувањето до салата. Патувавме четири часа за тренинг од 50 минути. Во хотелот има и други гости, што значи дека многу мора да се внимава поради здравјето на ракометарите“, изјави директорот на репрезентацијата Левче Китевски.
Македонија вечерва во 20:30 во првото коло од Г групата ќе се сретне со репрезентацијата на Шведска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
