Борусија Дортмунд се посрамоти и против „фенерџијата“

  • Екипа
  • 16.01.2021 / 17:24
  • СПОДЕЛИ:

Борусија Дортмунд повторно ги разочара своите фанови играјќи само 1-1 на домашен терен против „фенерџијата“ Мајнц. Работите сигурно ќе беа многу поинакви доколку голот што Халанд го постигна во втората минута не беше поништен со ВАР поради минимален офсајд. Борусија до крајот на полувремето имаше уште неколку стопроцентни шанси, но казните за промашувањата стигнаа во вториот дел, кога Озтунали со извонреден гол со левата нога од 25 метри го матираше Бурки.

„Милионерите“ стигнаа до израмнување благодарение на Муние, а десниот бек можеше да биде и херој, откако една минута по израмнувачкиот погодок изнуди и пенал. Сепак, Марко Ројс промаши цел гол од единаесет метри, па Борусија загуби нови два бода во трката за висок пласман.

Вердер е единствениот тим што попладнево стигна до цел плен во Бундес-лигата, триумфирајќи против Аугсбург со 2-0 со головите што во последните десет минути од мечот ги постигнаа Селасие и Агу.

Резултати Германија:

Волфсбург – Лајпциг 2-2, Вердер – Аугсбург 2-0, Келн – Херта 0-0, Хофенхајм – Арминија 0-0, Борусија Д. – Мајнц 1-1.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...