Златан Ибрахимовиќ е познато по тоа дека никому никогаш не останал должен, посебно не кога ќе се обидете да го испровоцирате или понижите.
Така беше и синоќа. Милан беше понижен од Аталанта со 0-3, а судиското продолжение донесе сцена во која, по расправија со Ибрахимовиќ, ‘подебелиот’ крај го извлече Дуван Запата.
На Милан во досегашниот дел од сезоната му се досудени дури 12 пенали. „Миланезите“ и вчера во судиското продолжение бараа пенал, па 29-годишниот Запата се доближа до Ибрахимовиќ обраќајќи му се:
„Не можете да завршите натпревар а да не добиете пенал. Сакате и 13. пенал?“
Следеше брутален одговор од Ибра по кој Колумбиецот повеќе не ја продолжи дискусијата.
„Што зборуваш? За какви пенали зборуваш. Имам повеќе голови во кариерата отколку ти што си одиграл натпревари“ – му порача легендарниот напаѓач.
Статистиката вели дека Ибрахимовиќ досега во кариерата постигнал 498 гола, а Запата досега во кариерата има одиграно 371 натпревар вкупно.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
