Единицата за интегритет во тенисот (ИТИА) одлучи да суспендира доживотно две тенисерки од Русија, поради нивната вклученост во местење натпревари. Како што објави оваа организација, Алија Мердеева и Софија Дмитријева повеќе нема да имаат право да се натпреваруваат на професионални турнири бидејќи е докажано дека тие биле дел од неколку наместени натпревари.
Мердејева беше прогласена за виновна за договорени два натпревари, додека Дмитријева, договорила дури шест, беше прогласена за виновна и за одбивањето да соработува со истражителите и полицијата.
Иако не беше соопштено кои мечеви биле наместени, потврдено е дека еден од нив бил оној каде Мердејева и Дмитријева играле како партнерска двојка.
Двете тенисерки најчесто играат на турнири од пониска категорија во Африка, Турција и Источна Европа. Ниту една од нив немаше забележителен успех, бидејќи 23-годишната Мердејева беше 928. на тениската листа, додека Дмитриева, три години постара, беше 1.191. тенисерка во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
