Македонскиот прволигаш Силекс го забележа и петтиот пораз на подготовките во Анталија. Кратовчани денеска беа поразени од рускиот Нижни Новгород со убедливи 5-1. Нижни Галаџан во 44. и 47. минута донесе водство за рускиот тим од 2-0. Кратовчани намалија на 2-1 во 51. минута, но само минута подоцна добија црвен картон што беше клучниот момент во натпреварот. До крајот на мечот Мајларов, Југалдин и Султонов донесоа конечен триумф од 5-1 на Нижни Новгород.
Новгород инаку е лидер на табелата во Втората руска лига и е на добар пат следната сезона да биде промовиран во елитата. Во претходните натпревари одиграни во Анталија, Силекс забележа порази од Нови Пазар (0-1), Колос (1-2), Шахтјор Доњецк (1-4) и Партизан 0-3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
