Првата ѕвезда на НБА лигата, Леброн Џејмс по натпреварот помеѓу Лејкерс и Далас во кој стигна до нов трипл-дабл учинок во неговата 18 сезона, даде необична изјава пред „Олстар“ неделата во која упати критики кон раководството на лигата и истакна дека не осеќа возбудување ниту ја има потребната енергија за настап на еден од спектаклите на годината.
„Не сум воопшто возбуден за Олстар натпреварот. Не разбирам зошто го играме, но очигледно е дека тоа е некој договор. Ова е како шамар. И понатаму сме соочени со пандемијата на коронавирус, а ќе ја доведеме цела лига во еден град. Воопшто не сум среќен за тоа, но не можам ништо да променам. Имам нула енергија за настап, ќе бидам таму физички, но не и ментално“ – порача асот на Лејкерс.
LeBron: “I have zero energy and zero excitement about an All-Star game this season.” He said he was looking to a five-day break in March after the shortened offseason and believes it is not a wise decision during the pandemic, either. “I’ll be there physically but not mentally” pic.twitter.com/tSXZdR286E
— ShowtimeForum (@ShowtimeForum) February 5, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА