Барселона не знае за пораз на последните 11 натпревари во Ла лига, дуели во кои има забележано девет победи и две ремиња, а последниот триумф дојде на гостувањето против Реал Бетис, меч кој каталонците го добија со 2-3, благодарение на „голчиштето“ на 21-годишниот Франческо Тринкао во 87 минута.
„Среќен сум што победивме, а јас помогнав на тимот, но мораме и да продолжиме вака. Навистина уживав во прославата со моите соиграчи, ми дадоа голем поттик, тука се да ми помогнат и премногу сум благодарен. Јас само го сработив мојот дел од работата, дефанзивно и офанзивно, а доколку тоа резултира со голови, уште подобро. Пресреќен сум, работам напорно секој ден за да помогнам на мојот клуб, морам и да шутирам повеќе, овој пат шутнав и среќно погодив“ – изјави по натпреварот младиот фудбалер.
Младиот Португалец пристигна во Барселона во јануари 2020 година за 30 милиони евра, а за тоа колку каталонците го ценат овој играч и го сметаат за своја иднина, укажува фактот дека неговата откупна клаузула изнесува неверојатни 500 милиони евра. Тринкао досега има забележано 27 настапи за Барселона, во кои младиот играч продолжува да восхитува со своите настапи, а сега го постигна и првиот гол. Каталонците во своите редови има врвни млади играчи и јасно е дека иднината на „Камп Ноу“ е светла.
Glimpses of Pedri Trincao brilliance from yesterday’s match. While Pedri already proved his potential, I say let’s be patient with Trincao too. He’s young, got potential, if he works on his weaknesses he will be another world class player. Its just sad to see him getting criticised often in this sub from r/Barca
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
