Македонскиот капитен Горан Пандев стрелаше двапати за Џенова, против својата поранешна екипа Наполи каде игра нашиот бисер Елиф Елмас, за триумф од 2:1. Гранде Пандев стана најдобриот екс-ју стрелец во Серија А со 97 гола, а сезонава постави и еден раритетен рекорд – тој е највозрасниот (37) во петте најквалитетни европски лиги со најмалку по 2 гола и асистенции, пред имиња како Ибрахимовиќ (39) и Роналдо (36)
Со спектакуларната победа од 4:0 против Кротоне и двата гола на Златан Ибрахимовиќ, со кои шведскиот интернационалец прво ја достигна, а потоа и ја надмина границата од 500 погодоци во кариерата, екипата на Милан го задржа врвот во Серија А. Јувентус во дербито ја совлада Рома со 2:0, а португалскиот магионичар Кристијано Роналдо го подобри светскиот рекорд на постигнати голови во кариерата (764). Интер очекувано победи против Фиорентина, со 0:2.
Росонерите се лидери со 49 бода од 21 натпревар, Нероаѕурите заостануваат два бода на втората позиција, додека Старата дама е на третото место со 42 бода и со меч помалку. Следете ја Серија А, највозбудливото европско национално фудбалско првенство сезонава, кое има силен македонски шмек, на програмите на Арена Спорт ТВ кои отсега се достапни и на платформата на А1 Македонија.
На другите терени, ПСЖ го совлада Олимпик Марсеј со 0:2 и на третата позиција на табелата, го задржа чекорот со Лил, кој победи кај Нант со 0:2 и со Лион, кој славеше со 3:0 против Стразбур. По 24 кола Лил има 54, лион има 52 бода, а трикратниот првак и финалист во Лигата на шампионите минатата сезона, има 51 бод.
Неделава ќе има многу возбудувања ширум Европа, а за нас најинтересни се настапите на нашите тимови и интернационалци.
В среда од 17:00 часот на Арена 4, Пелистер игра во ракометната европска лига против Татабања. Истиот ден од 18:00 часот на Арена 3 се игра заостанатото јадранското дерби од 5-то коло во хрватската фудбалска лига, меѓу Ријека на Дарко Велковски и Хајдук на Јани Атанасов. Двата тима се борат за излез во Европа.
В четврток ќе се игра дерби мечот во четвртфиналето во шпанскиот кошаркарски куп, Реал Мадрид и Валенсија се соочуваат од 21:30 часот на Арена 3. Од 21:45, Загреб ќе ја пречека Барселона во ракометната Лига на шампиони, на Арена 4.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
