На првиот ден од месец март ФИБА го објави и најновото рангирање во женска конкуренција. Вклучени беа настаните поврзани со одигрување на два квалификациски „балони“ кои ги организираше Светската кошаркарска федерација.
Не баш поволни за нашата сениорска селекција која забележа два порази на турнирот во Рига, додека пак во февруари, поради присуство на корона-вирусот, нашата федерција мораше да го откаже учеството на сениорките на вториот турнир во Летонија.
Согласно со тоа, бележиме пад од две места во актуелниот светски и европски поредок. Со 83.6 освоени бодови, Македонија е поставена на 38. место во европскиот ранкинг, а на 75. место во оној глобален рејтинг кој го креира ФИБА.
Селекциите на Швајцарија, Унгарија, Босна и Херцеговина и Бугарија бележат најголем напредок од оние европски земји на листата на која убедливо води САД со 832.9 бода, пред Австралија (714.5) и Шпанија која има 690.5 бода во рангирањето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
