Претседателот на КФСМ, Перо Антиќ, не чувствува лична одговорност за неуспехот на машката репрезентација да обезбеди пласман на Евробаскет 2022. На денешната прес-конференција Антиќ јасно стави до знаење дека воопшто не размислува за повлекување од функцијата поради слабите резултати на „црвено-жолтите“ откако тој застана на чело на федерацијата.
„Резултатот останува на играчите, не може да влеземе на терен да играме место нив. Не размислувам за оставка“, истакна Перо Антиќ.
Се уште е неизвесно дали федерацијата ќе ја продолжи соработката со Александар Тодоров, чиј селекторски договор истече на крајот од овој квалификациски циклус.
„Немаме конкретен став бидејќи извештајот не е доставен. Ако ќе го добиеме извештајот ќе биде свикан Стручен совет, по што ќе биде одлучено дали ќе се продолжи договорот со актуелниот селектор“ прокоментира директорот Тодор Гечевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
