Играчот за врска на Манчестер Сити, Родриго Хернандез, попознат како Родри, веројатно е еден од најскромните фудбалери во светот. Иако заработува 120.000 фунти во дресот на „граѓаните“, овој 24-годишник е крајно скромен надвор од терените и не води многу луксузен живот.
Минатата година, за време на карантинот заради светската пандемија, тој го искористил времето да студира и да полага испити за деловно менаџирање.
„Горд и среќен сум што го завршив моето образование. Знам дека тоа ќе ми биде од помош на кој било начин во иднина”, рече Родри.
Родриго својата скромност ја има покажано уште додека играше за Вилјареал и Атлетико, а тогаш живеел во студентски град.
„Луѓето беа шокирани кога слушнаа дека тој живее во студентски град и дека игра професионално во најсилните фудбалски тимови. Беше чудно да го гледам како прави обични работи”, изјави неговиот колега Валентин Хенарехо.
До заминувањето за Манчестер, Родриго возел половна „Опел Корса“. Тој не сака да троши пари за луксуз и купување на нови автомобили, туку неговата животна филозофија е да го помине животот во скромност.
This man Rodri already knew that he’s earning £120,000 per week but still living minimally in a dorm room to pursue his degree in business while also focusing on football, an absolute man of principle. What a guy pic.twitter.com/aQ1BtQt8nT
— T?. (@THURBRUYNE) March 2, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА