Американскиот олимписки одбор објави дека сите спортисти кандидати за Летните олимписки игри во Токио ќе бидат вакцинирани против Ковид-19. Извршната директорка на американскиот олимписки и параолимписки комитет Сара Хиршланд изјави дека брзината на вакцинирањето во САД значи дека спортистите ќе може да бидат вакцинирани пред квалификациските натпреварувања за во Токио.
„Оптимизмот е на големо ниво и се надеваме дека ќе успееме да ги вакцинираме сите американски спортисти пред натпреварувањата. Се надеваме дека некои ќе бидат вакцинирани и пред квалификациските турнири“, изјави Хиршланд.
Околу 62 милиони луѓе во САД веќе примија една или повеќе дози од вакцините, што е 19 отсто од возрасната популација, додека Белата куќа постави цел од 270 милиони вакцинирани до месец мај.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
