Легендарниот шпански кошаркар Пау Гасол неодамна потпиша договор со Барселона. 40-годишниот центар одлучи да се врати на паркетот по двегодишна пауза и наскоро се очекува неговото деби за каталонскиот гигант. Гасол полека почнува да игра со остатокот од тимот. Тој учествува на тренинзите „пет на пет“ и прашање на време е кога ќе настапи на првиот натпревар за Барса.
Желбата на искусниот центар е да се избори за место во шпанската репрезентација на Олимписките игри, каде и сака да се збогува со репрезентацијата.
Гасол има играно за Мемфис, Лејкерс, Булс, Спарс и Бакс во својата богата кариера, која ја започна во Барселона. Инаку, тој е и двократен НБА шампион со тимот на ЛА Лејкерс.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
