Со трејдот во редовите на Бруклин, Џејмс Харден повторно заигра кошарка. Супер-ѕвездата игра сезона во врвна форма, а истата ја круниса со дабл-дабл од 44 поени и 14 скока, на кои додаде и 8 асистенции во победата од 113-111 на својот тим над Пистонс изминатата вечер.
Задоволството од својата форма не ја крие ни самиот бек на Бруклин, кој на новинарско прашање околку МВП наградата одговори дека не само што треба да биде ставен во листата на кандидати за престижната награда, туку таа му припаѓа нему.
„Се осеќачувствувамм како МВП. Мислам, едноставно е. Не сакам да се фалам сам себе, но ќе завршам со тоа. Бројките зборуваат сами за себе, а ние победуваме. Само тоа ќе го кажам“, изјави Харден.
Супер-ѕвездата од преминувањето во редовите на Бруклин бележи просек од 25.4 поени, 11.5 асистенции и 8.7 скока по натпревар и е еден на најзаслужните за тоа што „црно-белите“ имаат скор од 24-7 во новата година.
44 POINTS FOR THE BEARD
? Highlights from a huge @JHarden13 night in Detroit ? pic.twitter.com/kTjVQxe6Jw
— Brooklyn Nets (@BrooklynNets) March 27, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
