Кире Лазаров го предводи Нант на вечерашниот дуел од ЛШ против Киелце, натпревар на кој македонскиот „бомбардер“ израмни уште еден неверојатен рекорд во елитното европско натпреварување.
Лазаров веќе извесно време е најдобар стрелец во историјата на ЛШ, а Македонецот вечерва го стигна Арпад Штербик на врвот на листата на играчи со најмногу настапи во ова натпреварување. За Кире ова е 249 меч во Лигата на Шампионите, бројка со која досега можеше да се пофали единствено поранешниот голман на Вардар.
Треторангиран на оваа листа е Тиери Омејер со 240 натпревари, а од активните ракометари тука се Никола Карабатиќ со 237, Јонас Калман со 225 и Тимур Дибиров со 217 одиграни средби во Лигата на Шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
