Илија Несторовски дефинитивно нема да може да настапи за Македонија на претстојниот европски шампионат откако беше обелоденето дека повредата што нашиот голгетер ја заработи на еден од последните тренинзи на Удинезе е од посериозен карактер.
Несторовски утрово замина на специјалистички преглед на лигаментите на коленото во Рим, но од италијанската метропола стигнуваат лоши вести – Македонецот ќе мора што поскоро да биде опериран. Италијанските медиуми најавуваат дека тој уште денеска ќе замине „под нож“, а потоа ќе следи и повеќемесечна пауза од терените.
Ова фактички значи дека нема никакви шанси асот на Удинезе да се рехабилитира навреме за настап на ЕВРО 2020. Несторовски беше стандарден првотимец за време на настапите во Лигата на Нации, а се очекува во негово отсуство улогата на прв напаѓач крај Горан Пандев да му припадне на Александар Трајковски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
