Ракометарите на Бутел Скопје утре ги очекува полуфиналниот двобој од Купот на Македонија против Еурофарм Пелистер. Бутелци два пати загубија од битолчани во Суперлигата, но тренерот Кристијан Грчевски верува дека можеби ќе биде „трета среќа“.
„Бутел Скопје секогаш игра за да победи…можеби ќе биде „трета среќа“ со Еурофарм Пелистер. Со оглед на тоа што првенството е многу изедначено како никогаш досега, сепак ќе имаме во предвид и тоа да се штедат некои играчи, да се ротираат што повеќе, бидејќи веќе во среда не чека многу важен дуел во Суперлигата. Бутел нема бело знаме, ракометот е игра со топка, па никогаш не се знае…Еурофарм Пелистер е фаворит како и досега, тоа е екипа што знае што сака и која ги казнува и најмалите грешки на противникот. Очекувам да одиграме добаар натпревар и се надевам дека јавноста ќе биде задоволна од прикажаното“, вели Кристијан Грчевски.
Капитенот Бојан Спасовски исто така се надева дека Бутел Скопје може до сензација.
„Очекувањата се големи. Со оглед на тоа што Бутел два пати по ред се наоѓа на Ф4 во Купот, амбициите се се поголеми. Ривалот ни е добро познат, не треба многу да трошиме зборови. Станува збор за сериозна екипа, која со Вардар го држи врвот во македонскиот ракомет. Спортски е да се надеваме на победа и да стигнеме до сензациа. Ништо не е невозможно во спортот“, вели Спасовски.
Натпреварот меѓу Бутел Скопје и Еурофарм Пелистер ќе се игра во салата Автокоманда со почеток во 19:00 часот. Во второто полуфинале играат Вардар и Металург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
