УЕФА ги објави премиите и бонусите за секој позитивен резултат во групната фаза на Европското првенство. Секоја победа на Македонија ќе ѝ донесе еден милион евра, за реми нашиот национален тим ќе инкасира 500.000 евра, а ако успее да обезбеди нокаут фаза, ќе добие дополнителни 1,5 милиони евра. Самото учество ќе ја наполни касата на Фудбалската федерација на Македонија за 9,25 милиони евра.
Овие суми се помали во однос на шампионатот пред пет години. Тогаш победата во групите носеше 1,5 милиони евра, ремито 750.000 евра, а победникот заработи десет милиони евра, што е за два милиони евра повеќе во однос на 2021 година.
Инаку, челниците на УЕФА оваа година одлучија да им дадат шанса на повеќе градови да бидат домаќини. Македонските репрезентативци ќе стартуваат во Букурешт, а Амстердам ќе биде местото каде што ќе го одиграат третиот меч од групата Ц против Холандија.
Македонските фанови со нетрпение го очекуваат почетокот на Европското првенство. Нашата репрезентација ќе дебитира на големите натпреварувања и ќе го отвори турнирот против Австрија на 13 јуни.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
