Македонските навивачи се најголемите победници од седумдневната наша приказна во Букурешт на дебитантското учество на европските првенства.
Незаборавни глетки македонските фанови им сервираа и на Букурешт, и на Романија и на цела Европа, испраќајќи силна порака за силното спортско расположение на Македонецот. Без ниту еден инцидент за седум дена царување на улиците во Букурешт, беспрекорен однос и на трибините на националната арена и на крајот максимална поддршка за фудбалерите кои, објективно, и покрај поразите со очигледна желба, борба, жар на терен им се оддолжуваа на фановите.
На крајот, по вчерашниот дуел со Украина, фановите и со аплауз ги испратија фудбалерите кон Амстердам каде ќе треба единствено да ја бранат честа, своја и на македонскиот фудбал…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
