Еден од најдобрите македонски фудбалери, Елиф Елмас, личноста која во иднина треба да го понесе лидерството во националниот тим како наследник на Горан Пандев, го коментираше и најавеното пензионирање за капитенот на македонската репрезентација.
Елмас не сака Пандев да се повлече од националниот тим на кој се уште му е потребен, но вели дека ако е тоа така и натпреварот против Холандија во понеделник му е последен во репрезентативниот дрес, тогаш сака да го испратат со победа.
„Секако, секој од нас сака да биде со нас и во иднина затоа што сите гледаме колку е важен за репрезентацијата а не чекаат и квалификации за СП. Но, ако против Холандија е последен натпревар за бате Горан тогаш сигурно сакаме да го испратиме со победа. Не знам што претходно кажал, не знам какви се плановите, но ако ова е последен меч тогаш ќе направиме се да го завршиме со победа, без разлика што Холандија е голем фаворит“ – истакна Елмас на денешниот брифинг со македонските медиуми во Амстердам.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
