Кристијано Роналдо продолжи да тресе мрежи на Европското првенство. Неговата реализација не ѝ помогна на Португалија да избегне пораз во дуелот со Германија во второто коло.
Сепак, Португалецот го привлече вниманието откако истрча од еден крај до друг за да донесе почетна предност за својата репрезентација. Меѓутоа следуваа четири гола на Германците, кои многу лесно се справија со еден од фаворитите за највисок пласман.
Најдобриот стрелец на Португалците израмни уште еден рекорд. Заедно со Мирослав Клосе сега има 19 гола на настапите на Европските и Светските првенства. Еден погодок до крајот на тековниот шампионат ќе го осамостои на врвот на вечната листа.
Исто така Роналдо чекори кон достигнувањето на Иранецот Али Даеи, кој сега има само два гола повеќе од него на листата најдобри стрелци на репрезентативно ниво.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
