Во групата „Ц“ оваа вечер Австрија успеа да ја победи Украина со резултат од 1-0 и да ја запечати втората позиција, а на тој начин успеа и да обезбеди директен пласман во осминафиналето од ова Европско првенство.
Во првото полувреме фудбалерите на Австрија го имаа поседот на топка во свои нозе, меѓутоа статистиката покажа и нивна доминација во креирањето на шанси за гол. Трудот на австријците се исплати во 21. минута, Давид Алаба упати одличен центаршут од корнер знаменцето, а Кристоф Баумгартнер успеа да биде прецизен и да донесе минимално водство од 1-0 по првите 45 минути игра.
До крајот на натпреварот се водеше вистинска борба, сепак, репрезентацијата на Украина тешко наоѓаше чиста позиција за било каква шанса, па во второто полувреме успеа само да го изедначи поседот на топка, додека австријците имаа низа на акции кои завршија без реализација. Единствениот гол од првата половина на мечот се покажа како сосема доволен за пласман на Австрија во следната фаза, а оваа селекција во осминафиналето за противник ќе ја има силната Италија.
По ваквиот исход од овој натпревар, Украина ќе чека да биде една од најдобри четири селекции од вкупно шесте третопласирани кои ќе обезбедат осминалфинале.
https://streamye.com/vSLGIh
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
