Напаѓачот на Австрија, Марко Арнаутовиќ е разочаран по поразот на неговата репрезентација по продолженија од Италија со 2-1 во осминафиналето од Европското првенство. Во 66. минута Арнаутовиќ донесе водство за Австријците, но по консултација со ВАР неговиот гол поради офсајд беше поништен.
„Тешко ми е да ги најдам вистинските зборови. За ВАР приказната разговаравме доволно често. Веќе не можете да бидете среќни поради постигнат гол. Секогаш мора да чекате додека не одлучат луѓето. Дали е офсајд? Дали е фаул? Дали е гол?“, вели Арнаутовиќ.
Италија во четвртфиналето го чека подобриот од вечерашниот меч меѓу Белгија и Португалија кој ќе се игра во Севилја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
