Лестер продолжува со составување на тимот кој во следната сезона ќе се обиде да избори место во Лигата на Шампионите, а за тоа ќе ја има помошта од најдобриот стрелец во австриското првенство, Патсон Дака.
Дваесетидве годишникот Замбиец претходната сезона во дресот на Салзбург на 28 одиграни средби во Бундеслигата, 27 пати ја тресеше мрежата на противникот, а притоа додаде и 7 асистенции со што заработи трансфер во клубот од Премиерлигата. Неговото преминување во Лестер чини 22 милиони евра, а клубот од „Кинг Пауер“ ги претрка Челси, Ливерпул, Лајпциг и Рома за неговиот потис.
Покрај Дака во следниот период се очекува потпис со „лисиците“ да стави и Бубакари Сомар со што Лестер би добил нов млад играч во своите редови.
We can confirm that exciting young striker @PatsonDaka20 will join the Club on a five-year-deal from 1 July, subject to Premier League and international clearance 🦊#WelcomePatson
— Leicester City (@LCFC) June 30, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
