Кошаркарот на Атланта и српски репрезентативец Богдан Богдановиќ ги поддржа своите соиграчи од националниот тим по тешкиот пораз што го забележаа од Италија.
„Азурите“ обезбедија пласман на Олимписките игри со победа во среде Белград од 102-95.
„Не беше наш ден, тоа е спортот, тоа им се случува на најдобрите … Капа долу на сите што беа дел од националниот тим и ова лето – Глава горе и да продолжиме понатаму“, рече Богдановиќ, кој штотуку ги заврши своите обврски во НБА лигата.
Атланта беше поразена во финалето на Источната конференција од Милвоки со 4-2 во серија, а во изминатите неколку дена се шпекулираше дека одличниот дефанзивец ќе може да му помогне на националниот тим доколку обезбеди пласман на Олимписките игри, што за жал на српската спортска јавност не се случи.
Nije bio nas dan, to je sport, desava se i najboljima… Kapa dole svima koji su odvojili svoje vreme da budu deo reprezentacije i ovo leto!
Idemo dalje! 🇷🇸❤️— Bogdan Bogdanovic (@LeaderOfHorde) July 4, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
