Кошаркарите на репрезентацијата на Чешка се пласираа на Олимписките игри откако го освоија квалификацискиот турнир во „Викторија“.
На последниот натпревар, Чесите беа подобри од фаворизираната Грција, совладувајќи ја убедливо (97:72) и за првпат во националната историја изборија пласман на Олимписките игри.
Никој не можеше да претпостави дека тимот на Рон Гинзбург може да биде најдобар во конкуренција меѓу Грција и Канада, но тие сето ова го демантираа, ги елиминираа Грците и ќе играат на најголемото спортско шоу во светот.
Чесите се плашеа од елиминација во групната фаза, а потоа и во полуфиналето кога играа продолженија со домаќинот Канада, предводен од Ендру Вигинс, но сето тоа го надминаа.
На крилјата на Патрик Ауд (20 п) и Јан Весели (16 п),Чесите ги оставија Костас Слукас, Ник Калатес и пријателите без можност да патуваат во Токио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
