Првиот човек на Ракометната Федерација на Македонија, Живко Мукаетов, јасно стави до знаење дека компанијата Алкалоид паралелно со инвестицијата во новиот клуб ќе продолжи и со вложувањата во „куќата на ракометот“.
Тој уште еднаш потенцираше дека приоритет на клубот е работа и напредок на младите играчи и дека воопшто не гледа судир на интереси како претседател на федерација и прв човек на компанија што е спонзор на клуб.
„Сметам дека јас лично, како бизнисмен низ годините, но и како претседател на федерацијата, досега покажав дека секогаш настојувам на неутралност и на тоа сите да имаат еднакви шанси. Затоа и решивме клубот да почне од Првата лига, да расте природно преку правилна работа. Она што јас го сакам е овој проект да се развива за добро на македонскиот ракомет, слободно можам да кажам дека многу повеќе би ми значело да создадеме квалитетна база и за одреден период репрезентацијата на Македонија да освои медал, отколку РК Алкалоид да се најде на Ф4 турнирот во Келн“, истакна Мукаетов на денешната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
