Ракометарките на Унгарија конечно се разбудија на олимпискиот турнир, па по трите порази во низа денеска ја забележаа првата победа, земајќи го скалпот на Шпанија (29-25). Шпанките влегоа како фаворитки од овој меч, но Унгарија благодарение на цврстата одбрана го диктираше темпото од самиот почеток и стигна до заслужена победа.
Унгарија го отвори мечот со 3-0, а неколку минути подоцна поведе и со 7-2. Шпанија се консолидираше и на одмор се замина со водство на унгарскиот состав од 14-11. Шпанките се приближија на 15-14, но следеше нова серија од 5-1 на романските ракометарки, кои и во вториот дел стигнаа до „плус пет“ (20-15). „Црвената фурија“ дојде на само еден гол разлика, но тоа беше се што успеа да стори, следеше нова серија на Унгарките и заслужена победа, прва за оваа селекција во групната фаза од ОИ.
Вамос и Клујбер со по шест гола беа најефикасни во унгарскиот состав, додека во редовите на Шпанија најдобар стрелец при денешниот пораз беше Мартин со пет погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
