Одбојкарската репрезентација на Франција ја победи Русија во последниот финален меч на ЛОИ. „Триколорите“ демонстрираа супериорна игра, а ваквиот пристап кон мечот значеше освојвуање на златниот медал во една трилер завршница, победувајќи со 3-2, по сетови 25-23, 25-17, 21-25, 21-25, 15-12.
На почетокот од овој дуел одбојкарите на Франција беа постојано офанзивни и конкретни, тие без сериозни проблеми го освоија првиот сет, кој го добија со 25-23. Следуваше уште една извонредна игра на Французите, а ваквиот пристап кон мечот им донесе зголемување на предноста од 2-0 во сетови (25-17).
Сепак, во третиот сет проработи одбојкарската руска „машина“, следуваа низа на поени, одлични серви и извонредна одбрана, а ова значеше и освојвуање на третиот сет 21-25 и намалување на разликата од 2-1. Во овој ритам одбојкарите на Русија продолжија и во четвртиот сет, мотивацијата и неверојатната игра ги награди со 21-15 со што обезбедија реми, 2-2 во сетови.
Во последниот одлучувачки сет одбојкарите на Франција конечно се вратија при себе, уште еднаш ја демонстрираа својата раскошна игра и успеаа да ја неутрализираат жилавата Русија, па по тешка и исцрпна борба конечно ја зграпчија долго очекуваната историска победа и злато на ЛОИ во Токио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
