Новак Ѓоковиќ полека се опоравува од повредата од турбулентниот крај на Олимписките игри, но без разлика на се’, Србинот продолжува да ја пишува историјата на „белиот спорт“.
Денес започна 333-та недела, во која Ѓоковиќ е првиот тенисер во светот, што е доволно за испишување на уште еден рекорд.
Добро е познато дека Новак долго време го држеше рекордот во машкиот тенис, бидејќи го престигна Федерер, кој сега е втор со 310 недели на врвот, но неговата цел е да ги надмине рекордите поставени во женскиот тенис, каде што две славни тенисерки имаа подобар резултат.
Денеска Ѓоковиќ и официјално ја престигна Мартина Навратилова, која остана на врвот на ВТА листата 332 недели, а засега, тенисерката на Чехословачка нема коментар на оваа тема, иако е познато дека не е фан на српскиот ас.
„Тоа е она што не го разбирам за него. Кога сте тениски шампион, треба да се посветите на спортот, вашата енергија оди на тоа … За да се опуштите гледате телевизија, работите на дрво или плетите шалови, тоа ви помага за опуштање и на тој налин примате позитивна енергија“, го критикуваше таа пред неколку месеци.
Сега, пред него е само легендарната Штефи Граф, која помина прва во 377 недели, и ако Ѓоковиќ остане на врвот, Штефи Граф би ја престигнал точно на 20 јуни 2022 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА