Македонската кошаркарска репрезентација по неуспешните квалификации за Европското првенство, денеска од 19 часот против Швајцарија со СЦ „Јане Сандански“ ги започнува претквалификациите за Светското првенство 2023 година.
„Црвено-жолитите“ од мечевите одиграни на „балонот“ во Русија претрпеа сериозни промени во составот како на селекторското место така и во играчкиот кадар, но оној кој остана константен е Бојан Крстевски кој впрочем беше и дел од тимот кој настапи против Швајцарија во претквалификациите во 2017 година.
Крилниот центар вели дека само со максимална ангажираност и борбеност, Македонија може да избори пласман во следната фаза.
„Одработивме одлични четири недели во кои одигравме и два контролни натпревара, против Црна Гора. Пред нас е напорен турнир со четири меча за шест дена, но за сите важат истите правила и ќе одиме од натпревар во натпревар. Прв противник ни е Швајцарија за која имаме информации дека е квалитетна и незгодна селекција. И покрај тоа, фокусот е на нас и нашата игра. Мислам дека само со максимална ангажираност и борбеност можеме да стигнеме до посакуваната цел“, изјави репрезентативецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
