Женската кадетска репрезентација на Македонија славеше над Исланд со 27-26 во финалниот меч на ЕХФ шампионатот во Литванија. Еден крајно израмнет натпревар кој беше во егал буквално во сите 60 минути.
На полувреме се замина со реми 11-11, а во финишот избраничките на Љубомир Савевски беа за нијанса подобри од својот противник. Феноменална партија во финалето имаше Теодора Дукоска со 11 гола, пред Ризоска со седум и Коцева со пет.
Со овој триумф репрезентацијата до 17 години покрај освојувањето на титулата избори пласман и на следното Европско првенство во оваа старосна категорија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
