Кошаркарскиот клуб Работнички во следната сезона ќе има сосема промент изглед. Од клубот заминаа речиси сите играчи кои претходната година ги бранеа „црвено-белите“ бои, замина и тренерот Мираковски, а него го наследи Тони Симиќ кој полека го составува тимот кој ќе се бори само во домашното првенство.
По ангажманот на Горјан Марковски, нов играч на скопскиот тим е французскиот интернационалец Ромен Луизер кој во Македонија доаѓа по една сезона помината во словачкото првенство каде на 36 одиграни натпревари за Приевидза бележи просек од 9.1 поен и 3.7 скока.
Луизер е висок 201 сантиметар и игра на крилните позиции, а претходно во својата кариера брои настапи и за младинската школа на Асвел, Универзитет Мисури во втората НЦАА лига, како и Форио во италијанската серија „Ц“.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА