Ракометарите на Вардар по настапот на силниот турнир во Германија погледите ги насочија кон претстојниот двомеч со Загреб во четвртфиналето од СЕХА-лигата.
Првиот дуел ќе се игра утре во Скопје, а „вардарци“ се оптимисти дека ќе успеат да триумфираат над хрватскиот првак и да направат чекор напред кон Ф4 во пресрет на реваншот во Хрватска закажан за 31 август.
„Загреб е солидна екипа која со години игра во СЕХА-лигата. Оваа сезона се засилија и ајде да кажеме дека одбраната им е главно оружје. Се надеваме дека тоа само така изгледа, гранитно во средината бидејќи имаат двајца искусни играчи кои настапуваа во Бундес-лигата. Имавме доволно време да се подготвиме, вршиме видео-анализи, верувам дека ќе ги согледаме нивните слабости и ќе ги искористиме. За нас нема дилеми, одиме на победа и на двете средби и пласман на фајналфор турнирот во Задар“, изјави голманот Мартин Томовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
