Брозовиќ им донесе победа на Хрватите, Франција киксираше против Украина (ВИДЕО)

  • Екипа
  • 04.09.2021 / 22:50
  • СПОДЕЛИ:

Вечерва се одиграа бројни натпревари во квалификациите за Светското првенство. Украинците приредија изненадување, па како домаќини успеја да ги спречат Французите, остварувајќи реми од 1-1.

Домашниот тим поведе со голот на Шапаренко во финишот на првото полувреме, но Марсијал погоди за конечни 1-1 на почетокот на второто полувреме.

Французите се на врвот со девет бода, Финска и Украина имаат по пет, а Босна и Херцеговина има два бода, но по само три одиграни натпревари. Франција и Украина одиграа по пет натпревари.

Хрватска стигна до многу важна победа во Словачка со голот на Марсел Брозовиќ во 86. минута. Русија и Хрватска се израмнети на првото место во групата Х со по 10 бода.

Холандија ја победи Црна Гора и славеше убедливо со 4-0 со двата гола на Депај, а Вајналдум и Гакпо постигнаа по еден гол. Сигурна беше и Турција, која славеше со 3-0 во Гибралтар.

Шкотите ги победија Молдавците со голот на Дајкс, додека Данска славеше доста тешко, со резултат 1-0 и со играч повеќе, на гости кај Фарските Острови. Најефикасен натпревар одиграа Израел и Австрија, а домаќинот славеше со 5-2.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...