Аргентинскиот фудбалски селектор, Лионел Скалони, е премногу многу тажен и разочаран од настаните што доведоа до прекин на вчерашниот натпревар против „кариоките“. Како што е познато, бразилските здравствени власти влегоа на теренот само неколку минути од почетокот на натпреварот со тенденција да депортираат четворица гостински играчи кои настапуваат во Премиер-лигата бидејќи не биле подложени на задолжителен карантин.
Скалони изјави дека Бразил е крив, па очекува правда од ФИФА.
„Јас сум многу тажен. Не беше вистинското време да се направи такво нешто. Немам зборови. Делегатот на КОНМЕБОЛ ни рече да се вратиме во соблекувалната“, потенцираше Скалони.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
