Џани Инфантино, претседател на Меѓународната фудбалска федерација (ФИФА), отвори неколку интригантни теми на состанокот во Доха. Имено, Инфантино и челниците на ФИФА се во Доха, каде фудбалската организација спроведува дел од сопствената студија за тоа колку е изводливо и практично да се одржува Светското првенство на секои две години.
Иако таквата идеја брзо доби голем број на негодувања од членовите на Европската фудбалска организација и Меѓународниот олимписки комитет, Инфантино рече дека ништо не е јасно и дека допрва ќе биде анализиран ваквиот проект.
„Го проучуваме календарот и се консултираме со сите. Во сето ова, ние првенствено сакаме да го слушнеме гласот на самите протагонисти, односно играчите и тренерите. На почетокот не би сакал да отфрлам ништо како идеја“, рече Инфантино.
Инфантино ја потенцираше и пренатрупаноста на фудбалскиот календар и растечкото преплетување на клупските и репрезентативните обврски.
„Има премногу бесмислени натпревари и тековниот календар ги достигна границите. Овој вид распоред е неодржлив. Мораме да имаме единствен систем, кој значајно ќе го разликува клубот од репрезентативните натпревари“, заклучи Инфантино.
🗣 “There are too many meaningless matches.”
FIFA president Gianni Infantino has said that the international calendar needs examination and there are too many ‘meaningless matches’ 🗓 pic.twitter.com/ZhkwOwKtDc
— Sky Sports News (@SkySportsNews) September 8, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
