Фудбалерот на Вест Хем Јунајтед, Мајкл Антонио е избран за најдобар играч на месец август во Премиерлигата, додека признанието за најдобар тренер на месецот му припадна на новиот тренер на Тотенхем, Нуно Епирито Санто.
Репрезентативецот на Јамајка одлично ја отвори новата сезона со четири гола и три асистенции на три одиграни средби, а притоа стигна и до 50. гол во Премиерлигата и на тој начин стана најдобриот стрелец во клупската историја.
Антонио во трката за оваа награда ги победи колегата Саид Бенрама, Маркос Алонсо, Ерик Даер, Демари Греј и Мејсон Гринвуд.
🔥 In fine form 🔥
Your @EASPORTSFIFA Player of the Month is @WestHam’s 🔝 #PL goalscorer: @Michailantonio#PLAwards pic.twitter.com/pdzwTT7I6k
— Premier League (@premierleague) September 10, 2021
Очекувано, тренерот на Тотенхем е најдобриот тренер на месецот со оглед на тоа што лондонскиот клуб е единствениот со три победи во тритте одиграни меча сезонава.
Во таа низа Тотенхем славеше над Манчестер Сити, Вулверхемптон и Вотфорд, интересно на сите натпревари со резултат од 1-0.
🤩 Nuno has been named the @premierleague Manager of the Month for August!
Congrats, boss 👏 pic.twitter.com/e4L9J9zwLp
— Tottenham Hotspur (@SpursOfficial) September 10, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
