Повлекувањето на Лео Меси од игра на дуелот меѓу ПСЖ и Лион се уште е главна тема на европската фудбалска јавност, откако аргентинскиот генијалец јасно покажа дека не му е сеедно што Покетино реши да го замени во период кога ПСЖ бркаше победа.
Во дискусијата се вклучи и Калид Хамад бин Калифа Ал-Тани, човекот кој важи за еден од лавните во функционирањето на францускиот гигант, заедно со сопственикот Тамим бин Хамад ал Тани и претседателот на клубот Насер Ал-Келаифи.
Тој објави фотографија на Покетино со порака: Лондон е преубав град, го знаеш тоа… што од јавноста е оценето како закана дека Аргентинецот ќе мора да се врати онаму од каде што дојде во Париз, доколку не го слуша семејството Ал-Тани.
Сега ќе биде интересно да се види дали Покетино ќе има храброст да го замени Меси на некој од наредните мечеви, но јасно е дека со ваквата порака на газдите Аргентинецот веднаш го добива и статусот на „недопирлив“ во Париз што го имаше долги години и во Барселона.
London is a beautiful city..you know that.. pic.twitter.com/u6rluYyuVu
— خلـــيفة بـــن حمـــد آلــ ثانــــــي (@khm_althani) September 19, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА